Kapungkur sateuacanna gunung eta disebat Waribonto katelah eta gunungteh gunung Aseupan, kumargi sapertos aseupan anu dijungkirkeun. Ngan saparantos aya kajadian dina tengah wengi dimana batur salelembur nuju genah kulem eta gunung aya nu ngaduruk.

Dina hiji dinten ba`da magrib, “geus biasa urang lemburmah sok aya bagean ronda komo basa jaman grombolanmah matak sanes sakali dua kali bentrok dordar bedil tingharieng kana cepil teuapal dulur teuapal batur”

Aswari, Ibon, jeung Ento ditambah Pa Sunarya… aranjeunna bagean ronda Pa Ibon sareng Pa Sunarya teh nyaeta Pasukan Militer anu mancen tugas dina pasosore kamari ka palebah Pagerageung, saking cape aranjeunna kulem tipayun. Upami Pa Aswari sareng Entomah nyaeta penduduk sipil biasa komo Entomah umurna oge nembe belasan taun.

Heuleut sabaraha menit wengi eta keneh, Ento ningali aya nu caang belah kulon, kaler sareng kidul nepi ka muringkak bulu kudukna. Lami-lami asa beuki keung ditambah aya sora ting perelek di luhur gardu “sora keusik nu muruluk, siga rag-rag ti langit nu caang ku bulan purnama”. Ento ngagugahkeun Pak Aswari sareng pa Sunarya, tapi aranjeunna ngadon arambek asa kaganggu bari jeung teupercayaaun. Beuki lami beuki karasa keueungna ditambah sora lengkahna gorombolan nu megatkeun poekna peuting.

Ento jeung Ibon ngabagi tugas, ibon di gardu nungguan Pak Aswari sareng Pak Sunarya. Ento turun kalebak, maksudna rek ngawartosan para warga yen gunung the tos kaserang ku gorombolan. Nanging sateuacaan dugi gorombolan tos aya payuneun Ento, Ento balik deui antugna manehna kapegat gorombolan nepi ka di dereded teudi engkekeun.

Pa Sunarya kaburu hudang maksud rek nulungan tapi teukaburu sabab Gorombolan nyerang teu aya ampun, anjeunna ngajleng kana rungkun. Sedengken Pak Ibon sareng Pak Aswari maot harita keneh dugi ka garduna diduruk ku gorombolan.

Pak Sunarya can keneh tenang hatena sanaos api-api maot dibalur ku getih, margi bayonet gorombolan nukaraos nyecep kana tulang nempel dina tenggekna. Anjeunna salamet ngan sangkur, bedil sareng pelor anu ical.

Teukungsi lami bala bantuan sumping nyampeurkeun nu masih keneh nyawaan nyaeta Pa Sunarya sareng Ento nu sanesna harita keneh dikurebkeun di eta gunung. Ento ngan dibere waktu tilu dinten sabab pelor nu aya dina awakna teu kungsi kaluar. Harita keneh Ento dikurebkeun ngarendeng sareng makam Pak Aswari sareng Pak Ibon.

Matak ti harita warga sepakat kangge ngahormati kanu tiluan eta gunung dirobih namina janten WARIBONTO dicandak tina nami Aswari, IboN sareng Ento.

sundana blepotannya....!

2009, Sony sontani